2019-yili Avstraliyada Robert De Rouz ismli erkakning iPhone X smartfoni hamyonida turgan vaqtida o‘z-o‘zidan yonib ketgan. Erkak ko‘ngilsiz hodisa oqibatida ikkinchi darajali kuyish tashxisi bilan shifoxonaga yotqizilgan edi. Oradan shuncha vaqt o‘tganiga qaramay, kompaniya ushbu voqeaga hech qanday munosabat bildirmay kelmoqda, deb yozadi Hi-Tech.Mail.ru.
Odatdagi bu kabi holatlar sifatsiz quvvatlantirish qurilmasidan foydalanilganda yoki norasmiy servis markazlarida batareykasi almashtirilganidan so‘ng yuzaga keladi. Biroq bu safar smartfon quvvatlantirgichga ulanganida emas, balki hamyonda yonib ketgan. Bunga nima sabab bo‘lgani — noma’lum. Bu nuqson, qizib ketish yoki smartfonning qo‘ldan tushib ketishi oqibatida akkumulyatorda yuzaga kelgan nosozlik sabab paydo bo‘lgan bo‘lishi mumkin.
Sodir bo‘lgan voqeadan so‘ng, De Rouz darhol Apple kompaniyasiga murojaat qilgan, biroq hech qanday javob ololmagan. Oradan qariyb ikki yil o‘tgach, u ushbu muammoni sud orqali hal etishga qaror qilib ko‘rdi. Mazkur ish boshqa bir holat — Apple Watch orqali bilagini kuydirib olgan erkak ishi bilan birlashtirilgan.
Sud ishlari davomida smartfonning yonishiga olib kelgan sababni aniqlash maqsadida ekspertiza o‘tkaziladi. Odatda bu kabi ishlar sudgacha hal etiladi. Apple kompaniyasi vakillari hozirda ushbu yangilikka munosabat bildirgan bo‘lib, hodisa yuzasida o‘zlarining surishtiruvini o‘tkazishlarini ma’lum qilgan.
Avvalroq AirPods naushniklari xitoylik erkakning qulog‘ida portlab ketgani to‘g‘risida xabar berilgandi.
Izoh (0)