Flagman gadjetlarni o‘ziga xos uslubda bezash bilan tanilgan Rossiyaning Caviar brendi PlayStation 5’ning maxsus versiyasi ishlab chiqarilishini e’lon qildi.
Golden Rock nomini olgan hashamatli pristavka 18 qirotli oltin bilan bezatilgan. Korpus shakli “g‘ijimlangan” oltindan ishlangan bo‘lsa, kontrollerlariga timsoh terisi tortilgan. Bu kabi pristavka narxi 499 ming dollarni tashkil etadi.
PlayStation 5’ning maxsus versiyasidan jami 9 nusxa ishlab chiqariladi. 28-dekabrdan kompaniyaga cheklangan miqdordagi versiyani sotib olish borasida 1342 ta ariza kelib tushgan.
Mazkur PS5’lar sof oltindan quyilgan 8 ta “list”dan yig‘iladi. Bu haqiqatda donali zargarlik san’ati hisoblanadi. Ushbu eksklyuziv gadjetning korpusi asl zargarlik texnikasida yaratilgan bo‘lib, uning tashqi ko‘rinishi kristall jinsga o‘xshagani sabab u modelga hajm va o‘zgacha shakl beradi.
Dizaynerlar uchun oltin rudasining noyob geometriyasi va ushbu tog‘ jinsining chiroyli tashqi ko‘rinishi ilhom manbai bo‘lib xizmat qilgan. Dizaynerlar hatto geympadni ham e’tibordan chetda qoldirmagan. Aksessuar timsoh terisidan ishlangan.
Golden Rock konsolini yaratish ustidagi ishlar 4 oyga yaqin vaqtni talab etadi.
Mavzuga doir: Rossiyada Stiv Jobsning vodolazkasi parchalari joylashtirilgan iPhone 12 Pro paydo bo‘ldi
Izoh (0)