2019 йили Австралияда Роберт Де Роуз исмли эркакнинг iPhone Х смартфони ҳамёнида турган вақтида ўз-ўзидан ёниб кетган. Эркак кўнгилсиз ҳодиса оқибатида иккинчи даражали куйиш ташхиси билан шифохонага ётқизилган эди. Орадан шунча вақт ўтганига қарамай, компания ушбу воқеага ҳеч қандай муносабат билдирмай келмоқда, деб ёзади Hi-Tech.Mail.ru.
Одатдаги бу каби ҳолатлар сифатсиз қувватлантириш қурилмасидан фойдаланилганда ёки норасмий сервис марказларида батарейкаси алмаштирилганидан сўнг юзага келади. Бироқ бу сафар смартфон қувватлантиргичга уланганида эмас, балки ҳамёнда ёниб кетган. Бунга нима сабаб бўлгани — номаълум. Бу нуқсон, қизиб кетиш ёки смартфоннинг қўлдан тушиб кетиши оқибатида аккумуляторда юзага келган носозлик сабаб пайдо бўлган бўлиши мумкин.
Содир бўлган воқеадан сўнг, Де Роуз дарҳол Apple компаниясига мурожаат қилган, бироқ ҳеч қандай жавоб ололмаган. Орадан қарийб икки йил ўтгач, у ушбу муаммони суд орқали ҳал этишга қарор қилиб кўрди. Мазкур иш бошқа бир ҳолат — Apple Watch орқали билагини куйдириб олган эркак иши билан бирлаштирилган.
Суд ишлари давомида смартфоннинг ёнишига олиб келган сабабни аниқлаш мақсадида экспертиза ўтказилади. Одатда бу каби ишлар судгача ҳал этилади. Apple компанияси вакиллари ҳозирда ушбу янгиликка муносабат билдирган бўлиб, ҳодиса юзасида ўзларининг суриштирувини ўтказишларини маълум қилган.
Аввалроқ AirPods наушниклари хитойлик эркакнинг қулоғида портлаб кетгани тўғрисида хабар берилганди.
Изоҳ (0)