AQSh prezidenti Jo Baydenning ma’muriyati armiyani Rossiya va Xitoy tomonidan keladigan tahdidlarga samarali qarshi turishi uchun qayta tashkil etish va modernizatsiya qilishga tayyor. Bu haqda “Interfaks” xabar berdi.
“O‘z kuchiga tobora ko‘proq ishonayotgan Xitoy va beqarorlashtiruvchi rol o‘ynaydigan Rossiya bilan strategik raqobatni hisobga olgan holda, biz o‘z kuchlarimiz uchun eng mos tuzilmani, imkoniyatlarni va sonni aniqlaymiz”, — deyiladi Oq Uy saytida e’lon qilingan milliy xavfsizlik bo‘yicha strategiyada.
Shuningdek, AQSh ma’muriyati keraksiz bo‘lib qolgan, eskirgan qurollanish platformalari va tizimlaridan voz kechish uchun Kongress bilan hamkorlik qilmoqchi. Buning natijasida AQSh “kelajakda harbiy soha, shuningdek, milliy xavfsizlik sohasida ustunlikni ta’minlashga yordam beradigan eng yangi texnologiyalar va imkoniyatlar” joriy etishi uchun qo‘shimcha resurslar paydo bo‘lishi ko‘zda tutilgan.
Avvalroq AQSh dunyoda demokratiyani kuch bilan o‘rnatishdan voz kechishga va’da bergani haqida xabar berilgan edi.
Mavzuga doir:
- AQShda Kongress yig‘ilishi Kapitoliyga hujum uyushtirilish xavfi tufayli bekor qilindi
- AQSh Rossiyaga Qrim sabab kiritilgan sanksiyalar muddatini bir yilga uzaytirdi va Navalniy tufayli sanksiyalarning ikkinchi raundi haqida ogohlantirdi
- AQSh va Meksika prezidentlari muhojirlar va koronavirusga qarshi kurash bo‘yicha hamkorlik qilishga kelishib oldi
Izoh (0)