АҚШ президенти Жо Байденнинг маъмурияти армияни Россия ва Хитой томонидан келадиган таҳдидларга самарали қарши туриши учун қайта ташкил этиш ва модернизация қилишга тайёр. Бу ҳақда «Интерфакс» хабар берди.
«Ўз кучига тобора кўпроқ ишонаётган Хитой ва беқарорлаштирувчи рол ўйнайдиган Россия билан стратегик рақобатни ҳисобга олган ҳолда, биз ўз кучларимиз учун энг мос тузилмани, имкониятларни ва сонни аниқлаймиз», — дейилади Оқ Уй сайтида эълон қилинган миллий хавфсизлик бўйича стратегияда.
Шунингдек, АҚШ маъмурияти кераксиз бўлиб қолган, эскирган қуролланиш платформалари ва тизимларидан воз кечиш учун Конгресс билан ҳамкорлик қилмоқчи. Бунинг натижасида АҚШ «келажакда ҳарбий соҳа, шунингдек, миллий хавфсизлик соҳасида устунликни таъминлашга ёрдам берадиган энг янги технологиялар ва имкониятлар» жорий этиши учун қўшимча ресурслар пайдо бўлиши кўзда тутилган.
Аввалроқ АҚШ дунёда демократияни куч билан ўрнатишдан воз кечишга ваъда бергани ҳақида хабар берилган эди.
Мавзуга доир:
- АҚШда Конгресс йиғилиши Капитолийга ҳужум уюштирилиш хавфи туфайли бекор қилинди
- АҚШ Россияга Қрим сабаб киритилган санкциялар муддатини бир йилга узайтирди ва Навальний туфайли санкцияларнинг иккинчи раунди ҳақида огоҳлантирди
- АҚШ ва Мексика президентлари муҳожирлар ва коронавирусга қарши кураш бўйича ҳамкорлик қилишга келишиб олди
Изоҳ (0)