Qo‘qon shahrida aholi tomonidan chiqindi tashlanayotgan markaziy ko‘chalarga videokameralar o‘rnatildi, deb xabar beradi Ekologiya va atrof-muhitni muhofaza qilish davlat qo‘mitasi.
Ta’kidlanishicha, Qo‘qon shahrida belgilanmagan joyga chiqindi tashlab, videokuzatuv kameralariga suratga olinganlar ijtimoiy tarmoqlarda yoritib boriladi.
Ma’lum qilinishicha, Ekologiya va atrof-muhitni muhofaza qilish inspeksiyasi tomonidan videokuzatuv kameralari materiallari asosida belgilanmagan joyga chiqindi tashlagan fuqarolarni jarimaga tortish tartibi joriy etilmoqda.
Xususan, Ekologiya va atrof-muhitni muhofaza qilish inspeksiyasi tomonidan 26-fevral kuni olib borilgan tungi reyd davomida 11 nafar fuqaroga jarima hujjatlari rasmiylashtirilgan.
Eslatib o‘tamiz, 2021-yil 1-yanvardan boshlab ekologiya, atrof-muhitni muhofaza qilish va tabiatdan foydalanish sohasidagi huquqbuzarliklar haqidagi fotosuratlar va videoyozuvlarni yuborgan shaxslar huquqbuzardan undirilgan jarima miqdorining 15 foizi miqdoridagi pul mukofoti bilan rag‘batlantirilishi ma’lum qilingandi. Shuningdek, belgilanmagan joylarga qattiq maishiy chiqindilarni tashlaganlik uchun jarimalar miqdori oshirilgan.
Izoh (0)