Ўзбекистон Бош прокурорининг буйруғига асосан, Наманган вилояти прокурорининг биринчи ўринбосари лавозимида ишлаб келган Бахтиёр Исмоилов Фарғона вилояти прокурори этиб тайинланди, деб хабар бермоқда вилоят ҳокимлиги матбуот хизмати.
Ушбу тайинлов Фарғона вилояти ҳокимлигида бош прокурор Ниғматилла Йўлдошев, вилоят ҳокими Хайрулло Бозоров, вилоят секторлари ҳамда бошқарма-ташкилотлар раҳбарлари, жамоатчилик вакиллари иштирокида 2 март куни ўтказилган йиғилишда эълон қилинган.
Фарғона вилоятининг аввалги прокурори Улуғбек Қосимов 2021 йилнинг 12 февралида Тошкент шаҳри прокурори лавозимига тайинланганди.
Бахтиёр Исмоилов 2003—2015 йилларда Андижон вилояти прокуратураси органларида турли лавозимларда меҳнат қилган, 2015—2016 йилларда Бош прокуратуранинг суд қарорларини ижро этишда ва қамоққа олинганларни сақлашда қонунларга риоя этилиши устидан назорат бошқармаси катта прокурори, 2017—2021 йилларда Фарғона вилояти прокурорининг ўринбосари, Фарғона вилояти прокурорининг биринчи ўринбосари лавозимларида фаолият юритган.
Мавзуга доир: Фарғона вилояти ҳокими Хайрулло Бозоров сенатор бўлди
Изоҳ (0)