O‘zbekistonda fevral oyida metan narxi 4,8 foizga, benzin narxi esa 2,7 foizga qimmatladi. Bu haqda Davlat statistika qo‘mitasining 2021-yil fevral oyi uchun O‘zbekiston iste’mol sektoridagi inflyatsiya darajasi haqidagi hisobotida keltirildi.
Transport vositalariga texnik xizmat ko‘rsatish va ta’mirlash 1,5 foizga, tashish xizmatlari 0,8 foizga oshgan.
Ushbu fonda propan narxlari 7,9 foizga pasaygani qayd etilgan.
2021-yilning yanvar—fevral oyida metan (5,0 foiz) va benzin (4,9 foiz), yillik nisbatda esa xalqaro yo‘lovchi havo transporti xizmatlari va propan (1,3 barobar) narxlarining oshishi yaqqol namoyon bo‘lgan.
Avvalroq O‘zbekistonda 2021-yilning fevral oyida iste’mol tovarlari va nooziq-ovqat mahsulotlari narxi o‘rtacha 0,6 foizga qimmatlagani haqida xabar berilgan edi.
Prezident Shavkat Mirziyoyev 29-dekabr kuni Oliy Majlisga yo‘llagan murojaatnomasida 2021-yilda narx-navo o‘sishini 10 foizdan oshirmaslik Markaziy bank va hukumatning asosiy vazifasi bo‘lishini aytgandi.
Izoh (0)