Ўзбекистонда февраль ойида метан нархи 4,8 фоизга, бензин нархи эса 2,7 фоизга қимматлади. Бу ҳақда Давлат статистика қўмитасининг 2021 йил февраль ойи учун Ўзбекистон истеъмол секторидаги инфляция даражаси ҳақидаги ҳисоботида келтирилди.
Транспорт воситаларига техник хизмат кўрсатиш ва таъмирлаш 1,5 фоизга, ташиш хизматлари 0,8 фоизга ошган.
Ушбу фонда пропан нархлари 7,9 фоизга пасайгани қайд этилган.
2021 йилнинг январь—февраль ойида метан (5,0 фоиз) ва бензин (4,9 фоиз), йиллик нисбатда эса халқаро йўловчи ҳаво транспорти хизматлари ва пропан (1,3 баробар) нархларининг ошиши яққол намоён бўлган.
Аввалроқ Ўзбекистонда 2021 йилнинг февраль ойида истеъмол товарлари ва ноозиқ-овқат маҳсулотлари нархи ўртача 0,6 фоизга қимматлагани ҳақида хабар берилган эди.
Президент Шавкат Мирзиёев 29 декабрь куни Олий Мажлисга йўллаган мурожаатномасида 2021 йилда нарх-наво ўсишини 10 фоиздан оширмаслик Марказий банк ва ҳукуматнинг асосий вазифаси бўлишини айтганди.
Изоҳ (0)