Bir necha kun avval Qashqadaryo viloyati hokimi Zoir Mirzayev yangi kelin-kuyovga elektrchoynak sovg‘a qilgani tasvirlangan surat ijtimoiy tarmoqlarda keng muhokamaga sabab bo‘lgandi. Chiroqchi tumanidagi chegara qishloqlarining birida aholi bilan bo‘lib o‘tgan uchrashuvda viloyat hokimi ushbu holatga izoh berib o‘tdi.
Twitter’da e’lon qilingan videodan ko‘rish mumkinki, Qashqadaryo hokimi Chiroqchi tumanidagi maktablardan birining o‘quvchisiga sovg‘a topshirgan.
“Kelin-kuyovga ‘podarka’ bersam, birovlar har xil gapirib yotibdi. Mashinaning orqasida (sovg‘a) bor. Shuning uchun bu qizimizga menda fen bor, mana. Mana bunisi esa ko‘rpa...
Mashinamning orqasida doim 10-12 ta sovg‘a yuradi. Odamlar uchun kerakli ‘tefal’, termos yuradi, ko‘rpa bo‘ladi, keyin choynak-piyola jamlanmasi bo‘ladi. Har doim bo‘ladi bu. Mashinamda 12-13 yildan beri shu kabi narsalar turadi”, — deya ta’kidlaydi Zoir Mirzayev.
Тефаль темаси, ва машина олиб юриладиган совға саломлар ҳақида https://t.co/65JjcxtFz8 pic.twitter.com/4fazrzSeVT
— Ҳусан Комилжонов (@khusanjon0777) March 1, 2021
Hokimning “Qaysi birini beray?” degan savoliga o‘quvchi qiz “Farqi yo‘q, menga hech narsa kerak emas” deya javob qaytargan. Shunday bo‘lsa ham hokim ikkala sovg‘ani ham qizga topshirib, “Bunda sochingizni quritasiz” deya fenni uzatgan.
Izoh (0)