Spotify musiqiy striming servisi yana 85 ta yangi bozorga, jumladan, O‘zbekistonga kirishi to‘g‘risida xabar berilgandi. Spot’ning servis saytidagi ma’lumotlarga tayanib yozishicha, Spotify hozirda O‘zbekistonda ishga tushgan.
iOS va Android qurilmalar uchun mobil dasturning mamlakat nomi degan joyiga O‘zbekistonni ko‘rsatib ro‘yxatdan o‘tish mumkin (bunga qadar VPN’dan foydalanilardi).
Servisning pulli va bepul versiyasidan foydalanish imkoniyati mavjud. Spotify Premium musiqalarni reklamasiz va oflayn holatda tinglash imkonini beradi, chegaradan tashqari ham servisdan vaqt chegarasisiz foydalanish va boshqa funksiyalarni ochish mumkin.
Obunani (9,99 dollar + soliq) kompaniya sayti orqali ham xarid qilsa bo‘ladi (xalqaro karta kerak). Va’da qilinganidek, Spotify O‘zbekistonga to‘liq global katalogini taqdim etgan.
Ma’lumot uchun, Shvetsiyaning musiqiy servisidan hozirda dunyoning 120 mamlakati foydalana oladi, uning katalogidan 50 milliondan ortiq musiqa va 4 milliard pleylist o‘rin olgan.
Izoh (0)