Spotify мусиқий стриминг сервиси яна 85 та янги бозорга, жумладан, Ўзбекистонга кириши тўғрисида хабар берилганди. Spot’нинг сервис сайтидаги маълумотларга таяниб ёзишича, Spotify ҳозирда Ўзбекистонда ишга тушган.
iOS ва Android қурилмалар учун мобил дастурнинг мамлакат номи деган жойига Ўзбекистонни кўрсатиб рўйхатдан ўтиш мумкин (бунга қадар VPN’дан фойдаланиларди).
Сервиснинг пулли ва бепул версиясидан фойдаланиш имконияти мавжуд. Spotify Premium мусиқаларни рекламасиз ва офлайн ҳолатда тинглаш имконини беради, чегарадан ташқари ҳам сервисдан вақт чегарасисиз фойдаланиш ва бошқа функцияларни очиш мумкин.
Обунани (9,99 доллар + солиқ) компания сайти орқали ҳам харид қилса бўлади (халқаро карта керак). Ваъда қилинганидек, Spotify Ўзбекистонга тўлиқ глобал каталогини тақдим этган.
Маълумот учун, Швециянинг мусиқий сервисидан ҳозирда дунёнинг 120 мамлакати фойдалана олади, унинг каталогидан 50 миллиондан ортиқ мусиқа ва 4 миллиард плейлист ўрин олган.
Изоҳ (0)