Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi. Bu haqda IIV Kadrlar bosh boshqarmasi xabar berdi.
Unga ko‘ra, podpolkovnik Furqat Mirzayev Namangan viloyati Uychi tumani IIB boshlig‘i lavozimiga tayinlandi.
Tayinlovga qadar Furqat Mirzayev Kosonsoy tumani IIB boshlig‘i lavozimida faoliyat yuritgan.
Podpolkovnik Rasuljon Pattayev Namangan viloyati Kosonsoy tumani IIB boshlig‘i lavozimiga tayinlandi.
Tayinlovga qadar Rasuljon Pattayev Namangan shahar IIO FMB boshlig‘i o‘rinbosari-tergov bo‘limi boshlig‘i lavozimida faoliyat yuritgan.
Eslatib o‘tamiz, 2021-yil 19-fevral kuni o‘tkazilgan xalq deputatlari Namangan viloyati kengashining navbatdan tashqari sessiyasida Prezident Shavkat Mirziyoyev Uychi tumani rahbariyatining faoliyatidan qoniqmasligini ta’kidlab, keskin tanqid qilgandi. Tumandagi 4 ta sektor rahbari yo‘l qo‘yilgan kamchiliklar, tuman iqtisodiy ko‘rsatkichlari yaxshilanmagani, topshiriqlarni bajarmagani uchun vazifasidan ozod qilingandi.
Izoh (0)