“Manchester Yunayted” sobiq futbolchisi Dmitar Berbatov PSJ hujumchisi Kilian Mbappe va “Borussiya D” forvardi Erling Holand haqidagi fikrlari bilan o‘rtoqlashdi.
Mbappe va Holand allaqachon cho‘qqida. Bir kun kelib ular Messi va Ronalduning taxtini egallaydi.Holand Bundesliga 2020/21-yilgi mavsumida 17 o‘yin o‘tkazib, 17 ta gol urdi. Mbappe Liga 1 joriy mavsumidagi 22 o‘yinda 16 gol va 6 ta golli uzatma amalga oshirdi. Fernandesh esa APLda 25 o‘yin o‘tkazib, 15 gol va 10 ta assist muallifiga aylandi.Mbappeni bu yilgi “Oltin to‘p” uchun asosiy da’vogar sifatida ko‘ryapman. Uning qanday gollar urayotgani va maydonni qay tariqa ko‘ra olishiga tayanib shunday deyapman. Kimdir u Fransiyada o‘ynayotganini ro‘kach qilishi mumkin, biroq Mbappe istalgan joyda porlay oladi deb hisoblayman.
Holand — boshqacha iqtidor, biroq u ko‘p gol urishga qodir. U ulkan salohiyatga ega ajoyib atlet. U uzun bo‘yli, kuchli, tez fikrlaydi. Uning rivojlanib borayotganini kuzatish juda zavqli.
Brunu Fernandesh ham shunday o‘ynashda davom etsa, albatta, “Oltin to‘p”ga da’vogarlar qatoridan joy oladi. Biroq uni Mbappe va Holand bilan solishtirib bo‘lmaydi. Ular — hujumchi, biz esa odatda ko‘proq gol uradigan futbolchilarni kuzatamiz.
Dmitar Berbatov, sobiq futbolchi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)