«Манчестер Юнайтед» собиқ футболчиси Дмитар Бербатов ПСЖ ҳужумчиси Килиан Мбаппе ва «Боруссия Д» форварди Эрлинг Ҳоланд ҳақидаги фикрлари билан ўртоқлашди.
Мбаппе ва Ҳоланд аллақачон чўққида. Бир кун келиб улар Месси ва Роналдунинг тахтини эгаллайди.Ҳоланд Бундеслига 2020/21 йилги мавсумида 17 ўйин ўтказиб, 17 та гол урди. Мбаппе Лига 1 жорий мавсумидаги 22 ўйинда 16 гол ва 6 та голли узатма амалга оширди. Фернандеш эса АПЛда 25 ўйин ўтказиб, 15 гол ва 10 та ассист муаллифига айланди.Мбаппени бу йилги «Олтин тўп» учун асосий даъвогар сифатида кўряпман. Унинг қандай голлар ураётгани ва майдонни қай тариқа кўра олишига таяниб шундай деяпман. Кимдир у Францияда ўйнаётганини рўкач қилиши мумкин, бироқ Мбаппе исталган жойда порлай олади деб ҳисоблайман.
Ҳоланд — бошқача иқтидор, бироқ у кўп гол уришга қодир. У улкан салоҳиятга эга ажойиб атлет. У узун бўйли, кучли, тез фикрлайди. Унинг ривожланиб бораётганини кузатиш жуда завқли.
Бруну Фернандеш ҳам шундай ўйнашда давом этса, албатта, «Олтин тўп»га даъвогарлар қаторидан жой олади. Бироқ уни Мбаппе ва Ҳоланд билан солиштириб бўлмайди. Улар — ҳужумчи, биз эса одатда кўпроқ гол урадиган футболчиларни кузатамиз.
Дмитар Бербатов, собиқ футболчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)