Futbol bo‘yicha Yevropa Chempionlar Ligasi nimchorak final bosqichining so‘nggi ikki uchrashuvi 24-fevral, chorshanba kuni bo‘lib o‘tdi.
Koronavirus pandemiyasi taqiqlari sabab “Borussiya M” “Manchester Siti”ga qarshi o‘z uyidagi o‘yinni Germaniyada emas, balki Vengriya poytaxti Budapeshtdagi “Pushkash Arena”da o‘tkazdi. Bellashuvda manchesterliklarning qo‘li baland keldi. Uchrashuvning 29-daqiqasida Bernardu Silva raqib darvozasi tomon bosh bilan aniq zarba yo‘llab hisobni ochdi. 65-daqiqaga kelib aynan Silvaning uzatmasidan so‘ng Gabriel Jezus “Siti”ning ikkinchi golini urdi va o‘yinga yakuniy nuqtani qo‘ydi.
Ushbu bosqichning yana bir bahsi Bergamoning “Atalanta” hamda Madridning “Real” jamoalari o‘rtasida kechdi. Uchrashuvning 17-daqiqasidayoq mezbonlar bir kishi kam bo‘lib qoldi. Remo Froyler madridliklar himoyachisi Ferlan Mendiga ishlatgan qo‘polligi uchun to‘g‘ridan to‘g‘ri qizil kartochkaga loyiq ko‘rildi. Birinchi bo‘limda hisob ochilmadi. O‘yinning 86-daqiqasida esa Ferlan Mendining uzoq masofadan yo‘llangan aniq zarbasi “Atalanta” darvozasidan joy oldi.
O‘yin so‘ngida kiritilgan super gol jarohatlar girdobida qolgan Zineddin Zidan jamoasining g‘alabasini ta’minladi.
Jamoalar o‘rtasidagi javob uchrashuvi 17-mart kuni o‘tkazilishi rejalashtirilgan.
Yevropa Chempionlar Ligasi
1/8 final, dastlabki bahslar
24-fevral, chorshanba
“Borussiya M” Germaniya — “Manchester Siti” Angliya 0:2
Gollar: 0:1 – 29 Bernardu Silva, 0:2 – 65 Gabriel Jezus.
“Borussiya M”: Zommer, Bensebayni, Ginter, Elvedi, Layner (Lazaro, 63), Kramer, Zakariya, Noyhaus, Hofmann (Volf, 87), Shtindl (Embolo, 74), Plea (Tyuram, 63).
“Manchester Siti”: Ederson, Ruben Diash, Uoker, Lyaport, Joau Kanselu, Foden (Ferran Torres, 80), Rodri, Bernardu Silva, Gundo‘g‘an, Sterling (Mahrez, 69), Gabriel Jezus (Aguero, 80).
“Atalanta” Italiya — “Real Madrid” Ispaniya 0:1
Gol: 0:1 – 86 Mendi.
“Atalanta”: Gollini, Mele (Palomino, 85), Romero, Toloi, Gozens, Froyler, de Ron, Pessina, Gimshiti, Muriel (Ilichich, 56; Malinovskiy, 86), Sapata (Pashalich, 30).
“Real Madrid”: Kurtua, Mendi, Varan, Nacho, Kroos, Kazemiro, Vinisius Junior (Mariano Dias, 57), Isko (Duro, 76), Asensio (Arribas, 76), Modrich, Vaskes.
Ogohlantirishlar: Kazemiro (23), Mendi (55), Gozens (71).
Chetlatish: Froyler (17).
Izoh (0)