Londonning “Chelsi” klubi xo‘jayini Roman Abramovich 2021-yilgi yozgi transferlar oynasi uchun 300 million yevro ajratishga tayyor, deya xabar qilmoqda Tuttomercatoweb.
Ta’kidlanishicha, “Chelsi” o‘z oldiga Chempionlar Ligasida g‘olib chiqish maqsadini qo‘ygan va buning uchun transferlarga 300 million yevro sarflashga tayyor.
Londonliklar 2020-yil yozida ham transferlar uchun katta mablag‘ sarflagan. Timo Verner, Hakim Ziyosh, Ben Chiluell, Tiago Silva, Kay Haverts va Eduard Mendining xaridlari 247 million yevroga aylangandi.
Mazkur transfer oynasida “Chelsi”ning asosiy maqsadi — “Borussiya D”ning 20 yoshli hujumchisi Erling Holand. London klubi norvegiyalik futbolchini qo‘lga kiritish uchun barcha resurslarni sarf qilishga tayyor.
Holand “Borussiya” safida 2020/21-yilgi mavsumda 26 ta o‘yin o‘tkazib, 29 gol va 7 ta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)