Qatar futbol bo‘yicha JCh—2022 musobaqasi mezbonligini qo‘lga kiritgan 2010-yilning dekabridan beri mamlakatda kamida 6751 nafar mehnat muhojiri vafot etdi, deya xabar qilmoqda The Guardian.
Hindiston, Bangladesh, Nepal va Shri-Lankadan olingan ma’lumotlar bo‘yicha 2011—2020-yillar oralig‘ida Qatarda bu mamlakatlarning 5927 nafar mehnat muhojiri vafot etgan. Shuningdek, Pokistonning 824 fuqarosi olamdan ko‘z yumgan.
Ta’kidlanishicha, aslida vafot etganlarning umumiy soni bundan sezilarli darajada yuqori. Sababi boshqa mamlakatlar, xususan, Qatarga ko‘p miqdorda odam yuborgan Filippin va Keniya ishchilarining o‘limi qayd etilmagan.
Vafot etganlarning katta qismi Jahon Chempionati inshootlari qurilishida qatnashgan.
Eslatib o‘tamiz, Qatardagi Jahon Chempionati 2022-yilning noyabr va dekabr oylarida bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)