Қатар футбол бўйича ЖЧ—2022 мусобақаси мезбонлигини қўлга киритган 2010 йилнинг декабридан бери мамлакатда камида 6751 нафар меҳнат муҳожири вафот этди, дея хабар қилмоқда The Guardian.
Ҳиндистон, Бангладеш, Непал ва Шри-Ланкадан олинган маълумотлар бўйича 2011—2020 йиллар оралиғида Қатарда бу мамлакатларнинг 5927 нафар меҳнат муҳожири вафот этган. Шунингдек, Покистоннинг 824 фуқароси оламдан кўз юмган.
Таъкидланишича, аслида вафот этганларнинг умумий сони бундан сезиларли даражада юқори. Сабаби бошқа мамлакатлар, хусусан, Қатарга кўп миқдорда одам юборган Филиппин ва Кения ишчиларининг ўлими қайд этилмаган.
Вафот этганларнинг катта қисми Жаҳон Чемпионати иншоотлари қурилишида қатнашган.
Эслатиб ўтамиз, Қатардаги Жаҳон Чемпионати 2022 йилнинг ноябрь ва декабрь ойларида бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)