Farg‘ona viloyatining Qo‘qon shahrida yashovchi fuqaro B.I. uch nafar voyaga yetmagan farzandining moddiy ta’minoti uchun undirilishi belgilangan aliment o‘rniga uy sovg‘a qildi, deb xabar berdi “Daryo” muxbiri.
MIB Farg‘ona viloyat boshqarmasining ma’lum qilishicha, fuqarolik ishlari bo‘yicha Qo‘qon tumanlararo sudining 2017-yil 18-avgustdagi ijro hujjatiga asosan qarzdor B.I.dan undiruvchi N.I. foydasiga uch nafar voyaga yetmagan farzandining moddiy ta’minoti uchun aliment undirilishi belgilangan.
Shu kungacha fuqaro B.I. aliment to‘lovlarini o‘z vaqtida to‘lab kelgan. Fuqaro aliment to‘lovlaridan qarzi mavjud bo‘lmasa-da, sobiq turmush o‘rtog‘i N.I. bilan kelishgan holda uch nafar farzandining kelajagi uchun farzandlarining voyaga yetguniga qadar to‘lanadigan aliment pullari evaziga Qo‘qon shahrida joylashgan ikki xonali kvartirani sobiq turmush o‘rtog‘ining nomiga o‘tkazib berishini ma’lum qilgan.
2021-yilning 13-fevral kuni aliment ishi bo‘yicha taraflar o‘rtasida mazkur xonadon 110 million so‘mga baholanib, N.I.ning nomiga o‘tkazilishi bo‘yicha notarial idorada tegishli hujjatlar rasmiylashtirilgan.
Undiruvchi arizasi bilan ushbu ijro hujjatining ish yurituvi tamomlangan.
Izoh (0)