Фарғона вилоятининг Қўқон шаҳрида яшовчи фуқаро Б.И. уч нафар вояга етмаган фарзандининг моддий таъминоти учун ундирилиши белгиланган алимент ўрнига уй совға қилди, деб хабар берди «Дарё» мухбири.
МИБ Фарғона вилоят бошқармасининг маълум қилишича, фуқаролик ишлари бўйича Қўқон туманлараро судининг 2017 йил 18 августдаги ижро ҳужжатига асосан қарздор Б.И.дан ундирувчи Н.И. фойдасига уч нафар вояга етмаган фарзандининг моддий таъминоти учун алимент ундирилиши белгиланган.
Шу кунгача фуқаро Б.И. алимент тўловларини ўз вақтида тўлаб келган. Фуқаро алимент тўловларидан қарзи мавжуд бўлмаса-да, собиқ турмуш ўртоғи Н.И. билан келишган ҳолда уч нафар фарзандининг келажаги учун фарзандларининг вояга етгунига қадар тўланадиган алимент пуллари эвазига Қўқон шаҳрида жойлашган икки хонали квартирани собиқ турмуш ўртоғининг номига ўтказиб беришини маълум қилган.
2021 йилнинг 13 февраль куни алимент иши бўйича тарафлар ўртасида мазкур хонадон 110 миллион сўмга баҳоланиб, Н.I.нинг номига ўтказилиши бўйича нотариал идорада тегишли ҳужжатлар расмийлаштирилган.
Ундирувчи аризаси билан ушбу ижро ҳужжатининг иш юритуви тамомланган.
Изоҳ (0)