O‘zbekistonda mobil telefonlar importi ikki barobarga oshdi

2020-yilning 1-noyabr holatiga ko‘ra, O‘zbekistonga qiymati 64,6 million AQSh dollariga teng bo‘lgan 781,7 ming dona mobil telefonlari import qilingan. Bu haqda Davlat statistika qo‘mitasi xabar berdi.

O‘zbekiston 19 ta davlatdan mobil telefonlar import qilgan bo‘lib, ular orasidagi yetakchilar:

• Xitoy – 556,6 ming dona;
• Vyetnam – 143,4 ming dona;
• Hindiston – 36,7 ming dona;
• BAA – 23,9 ming dona;
• Rossiya – 11,3 ming dona.

Ma’lumotlarga ko‘ra, 2019-yilda mamlakatga 235 ming dona qiymati 31,7 milliard so‘mlik uyali va boshqa simsiz aloqa tarmog‘i uchun telefonlar ishlab chiqarilgan. Avvalroq telekom-bozor ekspertlari uyali aloqa telefonlarining eksportini oshishiga 2019-yilning oxirida joriy etilgan IMEI ro‘yxatdan o‘tkazish tizimi sabab bo‘lgan bo‘lishi mumkinligini ma’lum qilingandi. Chunki bozorning o‘zi bu qadar jadal o‘smayapti. Ushbu taxmin Axborot texnologiyalari va kommunikatsiyalarini rivojlantirish vazirligi tomonidan 2019-yil bahorda e’lon qilgan bayonotiga mos keladi, unda IMEI kontrabandaning cheklanishiga imkon berishi qayd etilgan edi. Mavzuga doir:

• O‘zbekistonda telefonlarning IMEI kodlarini boshqa shaxslar nomiga ro‘yxatdan o‘tkazish bilan shug‘ullangan jinoiy guruh fosh etildi
• Andijonda telefonlarning IMEI kodlarini o‘zgalar nomiga ro‘yxatdan o‘tkazish bilan shug‘ullangan shaxslarga jinoyat ishi qo‘zg‘atildi
• O‘zbekistonda 2020-yilda IMEI kodlarni ro‘yxatdan o‘tkazish evaziga 136 mlrd so‘mdan ko‘proq mablag‘ undirilgan