Ice Universe ники остида танилган инсайдер 2021 йилда смартфон ишлаб чиқарувчилар кўпроқ сифатли «макросъёмка»га эътибор қаратишларини маълум қилди, деб ёзади IXBT.
Таъкидланишича, тез орада бозорда «макросъёмка»га олишни олдингидан кўра анча оммалаштирувчи Oppo Find Х3 Prо флагмани сотувга чиқади. Инсайдернинг қўшимча қилишича, фойдаланувчилар кўпроқ макросуратларга эътибор қарата бошлайди, чунки улар эндиликда мутлақо янги сифат даражасига кўтарилади.
Смартфоннинг асосий камераси оддий ва ўта кенг бурчакли объективларга эга 50 мегапикселли Sony IMХ766 датчигини ўз ичига олади. 13 мегапикселли камера икки карра оптик зумни таъминлайди. Шунингдек, 3 мегапикселли макрокамера ҳам ўрнатилиб, у 25 карра зумга эга бўлади. Oppo Find Х3 Prо ОFILM томонидан ишлаб чиқарилган объективлар билан жиҳозланади ва у зум борасида ўзига қадар ишлаб чиқарилган барча смартфонларни ортда қолдиради. Уни микроскоп билан таққослашмоқда.
Тарқалган маълумотларга кўра, смартфон бир кристалли Snapdragon 888 процессори, 6,7 дюймли эгилган OLED дисплейи ва сиғими 4500 мА/соатга тенг аккумуляторга эга бўлади.
Аввалроқ Oppo Х 2021 «рулон-смартфони» янги «жонли» кадрларда намойиш этилган эди.
Изоҳ (0)