Moskvadagi shifoxona bazasida “Sputnik V” vaksinasining 14-18 yoshlilar uchun uch bosqichli tadqiqotlari amalga oshiriladi va natijalarga ko‘ra o‘smirlar vaksinatsiya dasturiga kiritilishi mumkin. Bu haqda Moskva meri Sergey Sobyaninning shaxsiy blogiga tayanib, “RIA Novosti” xabar berdi.
“Koronavirusdan faqat kattalarni emas, bolalarni ham himoya qilish muhim. Shuning uchun Z.A.Bashlyayeva nomidagi shahar bolalar klinik shifoxonasi bazasida 14-18 yoshli bolalar uchun uch bosqichli ‘Sputnik V’ tadqiqotlari o‘tkaziladi”, — deb yozgan mer.
Sobyaninning ta’kidlashicha, tadqiqot natijalariga ko‘ra o‘spirinlarni emlash dasturiga kiritish to‘g‘risida qaror qabul qilish mumkin bo‘ladi.
Avvalroq Moskva meri koronavirusdan tuzalganlar uchun cheklovlarni yumshatishga va’da bergani haqida xabar berilgan edi.
Mavzuga doir:
- So‘rov: Rossiyaliklarning yarmidan ko‘pi koronavirusga qarshi “Sputnik V” vaksinasi bilan emlanishni xohlamaydi
- “Sberbank”: Rossiyada koronavirusga chalinganlar soni rasmiy raqamlardan 6 marta ziyod. Har kuni 165 ming kishi kasallanmoqda
- Sobyanin Moskvadagi shifokorlarning yarmidan ko‘pi COVID-19’ga chalinib chiqqanini aytdi
Izoh (0)