Москвадаги шифохона базасида «Спутник V» вакцинасининг 14-18 ёшлилар учун уч босқичли тадқиқотлари амалга оширилади ва натижаларга кўра ўсмирлар вакцинация дастурига киритилиши мумкин. Бу ҳақда Москва мэри Сергей Собяниннинг шахсий блогига таяниб, «РИА Новости» хабар берди.
«Коронавирусдан фақат катталарни эмас, болаларни ҳам ҳимоя қилиш муҳим. Шунинг учун З.А.Башляева номидаги шаҳар болалар клиник шифохонаси базасида 14-18 ёшли болалар учун уч босқичли ‘Спутник V’ тадқиқотлари ўтказилади», — деб ёзган мэр.
Собяниннинг таъкидлашича, тадқиқот натижаларига кўра ўспиринларни эмлаш дастурига киритиш тўғрисида қарор қабул қилиш мумкин бўлади.
Аввалроқ Москва мэри коронавирусдан тузалганлар учун чекловларни юмшатишга ваъда бергани ҳақида хабар берилган эди.
Мавзуга доир:
- Сўров: Россияликларнинг ярмидан кўпи коронавирусга қарши «Спутник V» вакцинаси билан эмланишни хоҳламайди
- «Сбербанк»: Россияда коронавирусга чалинганлар сони расмий рақамлардан 6 марта зиёд. Ҳар куни 165 минг киши касалланмоқда
- Собянин Москвадаги шифокорларнинг ярмидан кўпи COVID-19’га чалиниб чиққанини айтди
Изоҳ (0)