Италиялик таниқли футбол журналисти Жанлука ди Марцио «Женоа» ҳужумчиси Элдор Шомуродов ҳақидаги фикрлари билан ўртоқлашди ва унинг қай тарзда Генуя клубига ўтгани ҳақида гапирди.
Италияга Россия чемпионатидан уч нафар футболчи келди (Алексей Миранчук — «Локомотив»дан «Аталанта»га, Александр Кокорин — «Спартак»дан «Фиорентина»га ва Элдор Шомуродов — «Ростов»дан «Женоа»га — «Дарё»), аммо улар орасида Шомуродов мени ҳайратда қолдирди. Бунгача ҳеч ким у ҳақида эшитмагандим ҳам, «Женоа» уни сотиб олганида ҳамма «ким у, Шомуродов?», деб сўраганди. Аммо унинг ўйинларини кўрганимиздан кейин барча унинг ажойиб ўйинчи ва яхши инсон экани ҳақида гапира бошлади.Шунингдек, ди Марцио Шомуродовнинг қандай қилиб «Женоа»да пайдо бўлгани ҳақида гапирдиЭнрико Прециози («Женоа» президенти) — жуда ақлли тадбиркор, у Шомуродовнинг 2 миллионга (евро) сотиб олиниб, бир неча йилдан сўнг 20-25 миллионга сотиш мумкинлигини тушуниб етди.
Ўша вақтда (2020 йилнинг кузида) Энрико Прециози Марио Балотеллини сотиб олмоқчи эди. Бироқ жамоанинг ўша пайтдаги мураббийи (Роландо Маран) ва спорт директори бу қарорга қарши чиқди. Маран Балотелли билан ишлашни хоҳламади ва спорт директоридан бошқа футболчини топишни сўради. Шунда унга Шомуродовни кўрсатишди, Маран эса Балотелли вариантидан фориғ бўлиш учун бунга рози бўлди. Шундай экан, Элдор кучли футболчи бўлишига қарамасдан, унинг «Женоа»га ўтишига Балотелли воқеаси сабаб бўлган. Ушбу трансфер шошилинчда амалга оширилган. Бу ҳақида Россия билишмаса керак.Эслатиб ўтамиз, Шомуродов 2020 йилги ёзги трансфер ойнасида «Ростов»дан генуяликлар сафига йўл олди. Элдор «Женоа» сафида 16 та ўйин ўтказиб, 2 та гол ва 2 та голли узатма муаллифига айланди. Унинг генуяликлар билан амалдаги шартномаси 2024 йилнинг ёзигача мўлжалланган.Жанлука ди Марцио, журналист
Изоҳ (0)