Koenigsegg kompaniyasi barcha sevishganlarni avliyo Valentin kuni bilan o‘ziga xos tarzda tabriklashga qaror qildi. Shvedlar 1500 ot kuchiga ega Regera giperkari drift yordamida qorda yurak shaklini chizgani tasvirlangan videorolik bilan bo‘lishdi, deb xabar beradi Motor.
Koenigsegg Regera kompaniyaning Angelxolmdagi shtab-kvartirasi hududida joylashgan uchish-qo‘nish yo‘lagiga olib kelingan. Rolik davomida oq Regera driftlarni amalga oshirib, aerodromda “qorli yurak”ni hosil qiladi — u avliyo Valentin kuni munosabati bilan barcha sevishganlarga bag‘ishlanadi.
Koenigsegg o‘zining Regera giperkarini 2017-yilda taqdim etgan. O‘sha vaqtda shvedlar modelni dunyodagi eng mukammal giperkar sifatida baholagan. Muhandislar tomonidan yaratilgan 80 nusxadagi noyob modellar birinchi yildayoq sotilib ketgan. Ishlab chiqarish vaqtida Regera narxi 2 million dollarni tashkil etgan.
Koenigsegg Regera besh litrli tvin-turbo V8, shuningdek, Koenigsegg Direct Drive (KDD) transmissiyasi rolini bajaradigan uchta elektromotor hisobiga harakatlanadi. Agregat tomonidan taqdim etiladigan quvvat g‘ildiraklarga dastlabki uzatmalar o‘tkazgichisiz to‘g‘ridan to‘g‘ri uzatiladi. Nostandart konstruksiya sabab muhandislar giperkar massasini 1590 kilogrammga qadar tushirgan, shuningdek, uning dinamik tavsifi yaxshilangan.
Regera’ning jami quvvati 1500 ot kuchiga (2000 Nm) teng bo‘lib, u soatiga 100 kilometr tezlikka 2,8 soniyada erishadi. Maksimal tezligi — 400 km/soat.
Izoh (0)