“Manchester Siti” Angliya Premyer Ligasi 24-turi doirasida “Tottenhem”ga qarshi kechgan bahsda (3:0) g‘alaba qozondi.
“Shaharliklar” APLdagi so‘nggi olti uy o‘yinida o‘z darvozasi daxlsizligini saqlab qolgan holda ketma-ket g‘alabaga erishdi. Bunaqasi klub tarixida 119 yil deganda ilk bor kuzatildi va bu borada klub rekordi takrorlandi.
Shuningdek, Pep Gvardiola qo‘l ostidagi jamoa barcha musobaqalardagu uy uchrashuvida ketma-ket 7 ta quruq o‘yindan iborat g‘alabali seriya qayd etdi. Bu 1946—1947-yillarda klub tomonidan o‘rnatilgan rekordning takrorlanishi bo‘ldi.
“Manchester Siti” barcha musobaqalar doirasida ketma-ket 16-g‘alabasini nishonladi. Bu Angliya oliy divizion futbol klublari uchun tarixdagi rekord natija hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)