Futbol bo‘yicha Ispaniya chempionatining 23-turida “Barselona” 13-fevral, shanba kuni “Alaves”ni qabul qildi.
Bellashuvda Lionel Messi va Fransishku Trinkau o‘z hisobiga dubl yozdirib qo‘ydi. Uchrashuvning 45 va 75-daqiqalarida Messi raqib darvozasiga ikkita gol urdi. Trinkauning ikkita goli esa 29 va 74-daqiqalarda kiritildi. “Ko‘k-anorranglilar”ning beshinchi goliga Xunior Firpo mualliflik qildi. Mehmonlarning yagona goli 57-daqiqada Luis Rioxa tomonidan kiritildi.
Ushbu g‘alabadan so‘ng Ronald Kuman shogirdlari turnir jadvalida 2-o‘ringa qaytib oldi. Hozirda “Barselona” uchinchi o‘rindagi “Real” bilan bir xil — 46 ochkodan to‘plagan holda peshqadam “Atletiko M”dan 8 ochkoga ortda bormoqda.
La Liga
23-tur bahslari
13-fevral, shanba
“Barselona”—“Alaves” 5:1
Gollar: 1:0 – 29 Trinkau, 2:0 – 45 Messi, 2:1 – 57 Rioxa, 3:1 – 74 Trinkau, 4:1 – 75 Messi, 5:1 – 80 Firpo.“Barselona”: ter Shtegen, Langle, Firpo, Mingesa (Dest, 72), Moriba (Pedri, 64), de Yong (Pyanich, 72), Puch, Buskets (Umtiti, 46), Trinkau, Grizmann (Dembele, 81), Messi.
“Alaves”: Pacheko, Agirregabiria (Laguardia, 46), Duarte, Lejen, Tachi, Kordoba (Rioxa, 46), Mendes, Pina (Pere Pons, 72), Battalya, Lukas Peres (Sayns, 81), Xoselu (Deyverson, 81).
Ogohlantirishlar: Agirregabiria (17), Tachi (53).
“Sevilya” — “Ueska” 1:0
Gol: 1:0 – 57 Munir.“Eybar” — “Valyadolid” 1:1
Gollar: 0:1 – 7, penalti Mesa, 1:1 – 23 Kike Garsiya.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)