Futbol bo‘yicha Italiya A Seriyasining 22-turida “Milan” 13-fevral, shanba kuni “Spetsiya” maydoniga safar qildi.
Musobaqa peshqadami kutilamaganda “Spetsiya”ga mag‘lub bo‘ldi. Uchrashuvning 56-daqiqasida Julio Majuro “Spetsiya”ni oldinga olib chiqdi. 11 daqiqa o‘tib Simone Bastoni “Milan” darvozasiga ikkinchi golni kiritdi.
Shunday qilib “Milan” 22 ta o‘yindan so‘ng 49 ochko to‘plab, 1-o‘rinni saqlab turibdi. Jamoaning eng yaqin ta’qibchisi “Inter”da 47 ochko va yana bitta o‘yin bor. Peshqamni mag‘lubiyatga uchratgan “Spetsiya” 24 ta ochko to‘plagan holda 14-o‘ringa ko‘tarildi.
A Seriya
22-tur bahsi
13-fevral, shanba
“Spetsiya”—“Milan” 2:0
Gollar: 1:0 – 56 Majore, 2:0 – 67 Bastoni.“Spetsiya”: Provedel, Bastoni, Erlich, Ismayli, Vinyali, Richchi, Majore (Akampora, 83), Agudelo, Saponara, Jasi, Esteves.
“Milan”: Donnarumma, Teo, Romanyoli, Kyer (Tomori, 64), Diogu Dalot, Kessie, Chalxono‘g‘lu (Heuge, 83), Salemakers (Kastilyexo, 83), Bennaser (Meyte, 65), Ibragimovich, Rafael Leau (Manjukich, 64).
Ogohlantirishlar: Vinyali (23), Bastoni (24), Erlich (58), Diogu Dalot (66).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)