“Barselona” hujumchisi Lionel Messi Liga Liga 23-turi doirasida “Alaves”ga qarshi o‘yinda (3:0) jarima maydoni tashqarisidan ikkita gol urdi.
Bu argentinalik futbolchi uchun La Liganing so‘nggi o‘n mavsumida jarima maydoni tashqarisidan urilgan 65 va 66-gol bo‘ldi.
Bu vaqt ichida Ispaniya chempionatida faqat ikki klub — “Real” (112) va “Atletiko” (76) olis masofalardan Messidan ko‘proq gol urgan. Messi bu borada qolgan 31 jamoani (agar “Barselona”ning qolgan o‘yinchilari bir jamoa deb hisoblansa) ortda qoldirdi.
Messi 2004-yildan buyon “Barselona” asosiy jamoasida to‘p surib keladi. 2020/21-yilgi mavsum u La Ligada 20 ta o‘yin o‘tkazib, 15 gol va uchta golli uzatmaga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)