Hozirgi kunda til o‘rganish uchun intensiv audio kurs, degan tushuncha keng tarqalib, shov-shuvlarga sabab bo‘lmoqda. Intensiv audio kurs — bu an’anaviy ta’limdan farqli o‘laroq, tinglash yo‘li orqali xorijiy tilni o‘rganish usuli.
Audio kurslar haqiqatdan ham biz o‘ylaganchalik foydalimi?
Audio kurslarning qulayligi shundaki, ularni telefonga yozib olib, istalgan joyda foydalanish mumkin. Ko‘chada ketyapsizmi, transportdamisiz, uyni yig‘ishtiryapsiz yoki sport bilan shug‘ullanyapsizmi — quloqchin taqib olib, darslarni eshitish va tilni o‘zlashtirib borish ko‘pchilik uchun qulay.
Bizning fikrimizcha, intensiv audio kurslarning ham bir qator jiddiy kamchiliklari bor:
- Agar siz biror so‘z yoki jumlaga tushunmay qolsangiz bo‘ldi, o‘sha yerda qotib qolasiz. Bu usul bilan siz ma’lumotni qay darajada o‘zlashtirayotganingizni tekshira olmaysiz va sizni so‘roq qilib, bilimingizga baho beradigan odam bo‘lmagani uchun mas’uliyatni yo‘qotasiz. Natijada avvaliga ishtiyoqingiz so‘nadi, keyin esa asta-sekin mashqlarni bajarmay qo‘yasiz.
- Audio kurslarni targ‘ib qiluvchilarning aksariyati “grammatika va so‘z yodlashlarsiz qisqa muddatda o‘rganing”, degan noto‘g‘ri va mantiqsiz g‘oyani ilgari surmoqda. Grammatikani va so‘zlarni yodlamasangiz, nimani o‘rganasiz? Yana qisqa muddatda, deysizmi? Qo‘ysangiz-chi…
- Cheksiz aksiyalar va reklamalarga katta mablag‘lar tikilayotgani, bu mahsulotni yaratishdan asosiy maqsad — mahsulot sifatidan ko‘ra ko‘proq pul topish ekani bilinib turibdi. Shu sababli, ular chiqarayotgan kitoblarning aksariyati oxiriga yetkazilmagan va yaxshilab tekshirilmagan kontentdan iborat. “To‘g‘ri yozamiz” Telegram kanalidagi ma’lumotlar buni tasdiqlab turibdi.
- Albatta, ular foydali bo‘lishi mumkin — agar sifatli metodika va kontentdan tashkil topgan bo‘lsa. Lekin ular shunchaki bir kitob. O‘qituvchining yordamisiz faqatgina shu kitoblarning o‘zi bilan tilni to‘liq o‘rganish, shu tilda grammatika va so‘z yodlashlarsiz erkin gaplashishni boshlash — bu haqiqatga to‘g‘ri kelmaydi.
Bundan tashqari, o‘qituvchi sizni qay darajada o‘zlashtirayotganingizni va qaysi mavzular ustida ko‘proq ishlashingiz kerakligini ko‘rsatib turadi. Ana shunda ham agar u haqiqiy o‘qituvchi bo‘lsa, sizga 5 yoki 6 oyda o‘z ona tilingizdagidek gaplasha olishni kafolatlamaydi. Chunki o‘quvchi tomonidan bo‘lgan harakat ham katta ahamiyatga ega.
Bugungi kunda yurtimizda bosh maqsadi daromad qilish emas, haqiqiy bilim berish bo‘lgan sifatli onlayn o‘quv makrazlari ham yo‘q emas. Shunday markazlardan biri — startap loyiha Webclass onlayn maktabi. Webclass maktabida, yuqorida aytilganidek, eng zamonaviy metod — o‘qituvchi bilan yuzma-yuz masofadan turib muloqot qilish asosida o‘rganiladi.
Onlayn maktabning eng afzal taraflaridan biri — darslar individual tarzda o‘tiladi, ya’ni siz o‘zingiz istagan vaqtda saralangan o‘qituvchilardan sifatli dars olishingiz mumkin. Bunda bir o‘zingizga alohida bir o‘qituvchi ajratiladi. Bu xizmat ayniqsa, hozirda chet elda yurgan vatandoshlarimiz, shuningdek, tig‘iz ish grafigiga ega bo‘lib, kurslarga qatnash imkoniyati yo‘q kishilar uchun nihoyatda qo‘l kelmoqda.
Webclass’ning yaqindagina ishga tushiriladigan maxsus platformasi — Webclassroom esa sizning o‘zlashtirish darajangizni, ya’ni baholaringizni sun’iy intellekt yordamida doimiy kuzatib boradi. Qolaversa, u darslaringiz haqida har kuni xabardor qilib, sizga motivatsiya berib turadi. Shuningdek, siz berilayotgan darslardan qay darajada qoniqayotganingizni baholab borishingiz mumkin bo‘ladi (xuddi Yandeks.Taksi ilovasidagidek).
Til bilish — bu juda katta mehnat va mashaqqat mahsuli. Uni o‘rgatish esa ulkan mas’uliyat va javobgarlikni talab qiladi. Ana shunday talablarga javob berish uchun ta’lim beruvchining birlamchi maqsadi, qo‘pol qilib aytganda “soqqa qilish” emas, ilm ulashish bo‘lsagina bu ishga qo‘l urgani to‘g‘ri bo‘ladi, deb hisoblaymiz. Taqdim etilayotgan xizmat va ilm munosib darajada bo‘lsa, daromad o‘z-o‘zidan oqib kelaveradi. Xulosa, albatta, o‘zingizdan!
Eng sara ustozlardan tashkil topgan Webclass onlayn maktabi ham faqatgina pul ishlashni emas, chin ma’noda ilm ulashishni birlamchi maqsad qilgan.
Xo‘sh, bu servis bepulmi? Albatta, yo‘q! Lekin berilayotgan bilim va ko‘rsatilayotgan xizmat sifati a’lo darajada. Til o‘rganishning eng zamonaviy hamda maqbul yo‘lidan foydalaning va haqiqiy bilimlarni egallang.
Batafsil ma’lumot webclass.uz sayti yoki (+998 99) 925 31 59 telefon raqami orqali olishingiz mumkin.
Reklama huquqi asosida.
Izoh (0)