Bosh prokuratura huzuridagi departamentning Beruniy tuman bo‘limi tomonidan “Qoraqalpoqagrokimyohimoya” murojaatiga asosan tergovga qadar tekshiruv o‘tkazildi, deya xabar bermoqda “Gazeta.uz”.
Bosh prokuraturaning ma’lum qilishicha, tekshiruv vaqtida jamiyatning Beruniy tumani filiali mansabdorlari mavqeyini suiiste’mol qilib, “Markaziy” mineral o‘g‘itlar tarqatish shoxobchasiga tegishli, o‘zlariga ishonib topshirilgan mineral o‘g‘itlarni o‘zlashtirib yuborgani aniqlangan.
Natijada qiymati 872,4 million so‘mlik 446,9 tonna mineral o‘g‘itlar talon-toroj qilingan.
Mazkur holat yuzasidan Jinoyat kodeksining 167-moddasi 3-qismi (juda ko‘p miqdorda o‘zlashtirish yoki rastrata) bilan jinoyat ishi qo‘zg‘atilib, tergov harakatlari o‘tkazilmoqda.
Bundan avval Andijonda 470 mln so‘m kredit mablag‘ini talon-toroj qilgan bank xodimlariga nisbatan jinoyat ishi qo‘zg‘atilgani, Samarqand viloyatidagi qurilish-ta’mirlash ishlarida 7 mlrd so‘m talon-toroj qilingani hamda Buxoroda ichimlik suvi tarmoqlarini rekonstruksiya qilishda 254 mln so‘m budjet mablag‘lari talon-toroj qilgani haqida xabar berilgandi.
Izoh (0)