Qatar mezbonligida o‘tgan klublar o‘rtasidagi Jahon chempionati final uchrashuvida 11-fevral, payshanba kuni “Bavariya” Meksikaning “Tigres” jamoasiga qarshi bahs yuritdi.
Uchrashuvning 59-daqiqasida Myunxen klubi a’zosi Benjamin Pavar hisobni ochdi. Ushbu gol o‘yin yakunigacha yagonaligini saqlab qoldi.
Shu tariqa “Bavariya” 2020-yilgi klublar o‘rtasidagi Jahon chempionatining g‘olibiga aylandi.
Avvalroq 3-o‘rin uchun kechgan bahsda Misrning “Al-Ahli” jamoasi Braziliyaning “Palmeyras” klubi ustidan g‘alaba qozonib, sovrindorga aylangan edi.
“Bavariya” — “Tigres” uchrashuvi videosharhini bu yerda tomosha qilish mumkin — video.
Klublar o‘rtasidagi JCh—2020
Final bahsi
11-fevral, payshanba
“Bavariya” Germaniya — “Tigres” Meksika 1:0
Gol: 1:0 – 59 Pavar.“Bavariya”: Noyer, Zyule, Devis, Pavar, Alaba, Koman (Duglas Kosta, 74), Kimmix, Sane (Musiala, 73), Gnabri (Tolisso, 64), Lyuka Ernandes, Levandovski (Shupo-Moting, 73).
“Tigres”: Gusman, Reyes, Salsedo, Rodriges (Kinones, 80), Pisarro, Duenyas, Akino, Rafael Karioka, Kinones, Gonsales, Jinyak.
Ogohlantirishlar: Duenyas (42), Rodriges (69), Rafael Karioka (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)