Xiaomi kompaniyasi Mi Electric Scooter Pro 2 Mercedes-AMG Petronas F1 Team Edition samokatini namoyish etdi. U “Formula-1”dagi Mercedes-Benz jamoasi bilan hamkorlikda yaratilgan, deb xabar beradi “Afisha.uz”.
Yangi transport vositasi Mi Electric Scooter Pro 2’ning yangilangan versiyasi bo‘lib, uning dizayni ustida ish olib borilgan va narxi oshirilgan, biroq texnik tavsifi originaldagidek. Samokat bir marta quvvatlanish orqali 45 kilometr yo‘l bosishga qodir, maksimal tezligi esa soatiga 25 kilometrni tashkil etadi.
Samokatning rul qismiga suyuq-kristall ekran o‘rnatilgan bo‘lib, u tezlik, quvvat sarfi va harakatlanish uzoqligi, harakatlanish rejimi, faralar holati kabi asosiy ma’lumotlarni tasvirlaydi. Samokat og‘irligi — 14,2 kilogramm.
Yevropada mazkur elektrosamokat 799 yevrodan sotilmoqda.
Avvalroq Xiaomi bir marta quvvatlanish orqali 30 km yura oladigan yangi elektrosamokat taqdim etgani to‘g‘risida xabar berilgandi.
Mavzuga doir: Masofadan turib boshqariladigan elektrosamokat yaratildi
Izoh (0)