Dubaydagi yo‘ltanlamas texnikalar tarixi muzeyiga yangi eksponat olib kelindi. Bir necha kun oldin u yerga “4x4 g‘ildiraklar formulasiga ega dunyodagi eng katta avtomobil” — Amerikaning yaxshilab restavratsiya qilingan LARC LX transportyori o‘zi yurib kelgan, deb yozadi Motor.
Hozirda LARC LX (Lighter, Amphibious Resupply, Cargo) deb ataluvchi mashinaning balandligi ikki qavatli uydek keladi. Nominal yuk ko‘tarish qobiliyati — 60 tonna, biroq harbiylar unga muntazam 130 tonnaga qadar yuk ortgan. Transportyor platformasiga 200 nafar askar yoki 12 metrli dengiz konteyneri siqqan. Amfibiya korpusi po‘latdan ishlangan bo‘lib, og‘irligi 100 tonnaga teng. Yo‘ltanlamas osti va yer yuzasi orasidagi masofa 900 millimetrga teng.
LARC LX kuchiga ega kema bortining yoniga o‘rnatilgan bir juft 265 ot kuchiga ega Detroit Diesel dizelli motorlari yordamida harakatga keladi. Yerda harakatlanish vaqtida o‘z g‘ildiraklaridan, suvda esa 1,2 metrli parraklardan foydalanilgan. Barcha to‘rtta agregat, shuningdek, uzatmalar qutisi va reduktorlar pnevmatik boshqariladi. Yo‘ltanlamas hayratlanarli darajada tejamkor: soatiga 140 litr dizel yoqilg‘isini sarflaydi.
Endilikda LARC LX Dubaydagi yo‘ltanlamas texnikalar tarixi muzeyidan o‘rin oladi. Shuningdek, u yerda harbiy va fuqarolik texnikalari namunalarini, bundan tashqari, ulkan Dodge Power Wagon yoki “Oq o‘rgimchak” laqabli sakkiz g‘ildirakka ega Nissan Patrol’ni uchratish mumkin.
Izoh (0)