Xiaomi компанияси Mi Electric Scooter Pro 2 Mercedes-AMG Petronas F1 Team Edition самокатини намойиш этди. У «Формула-1»даги Mercedes-Benz жамоаси билан ҳамкорликда яратилган, деб хабар беради «Afisha.uz».
Янги транспорт воситаси Mi Electric Scooter Pro 2’нинг янгиланган версияси бўлиб, унинг дизайни устида иш олиб борилган ва нархи оширилган, бироқ техник тавсифи оригиналдагидек. Самокат бир марта қувватланиш орқали 45 километр йўл босишга қодир, максимал тезлиги эса соатига 25 километрни ташкил этади.
Самокатнинг рул қисмига суюқ-кристалл экран ўрнатилган бўлиб, у тезлик, қувват сарфи ва ҳаракатланиш узоқлиги, ҳаракатланиш режими, фаралар ҳолати каби асосий маълумотларни тасвирлайди. Самокат оғирлиги — 14,2 килограмм.
Европада мазкур электросамокат 799 евродан сотилмоқда.
Аввалроқ Xiaomi бир марта қувватланиш орқали 30 км юра оладиган янги электросамокат тақдим этгани тўғрисида хабар берилганди.
Мавзуга доир: Масофадан туриб бошқариладиган электросамокат яратилди
Изоҳ (0)