Muzlatkichdagi meva va sabzavotlar turadigan tortmaga suv yig‘ilyaptimi, tortma muzlab qolib, joyidan siljimayaptimi, polda tez-tez ko‘lmaklar paydo bo‘lyaptimi? Usta chaqirishga shoshilmang, ba’zi muammolarni o‘zingiz ham hal qilishingiz mumkin.
Meva va sabzavotlar tortmasi ostida suv to‘planishi
1-sabab
Tomchilatib eritish tizimining o‘ziga xos xususiyati tufayli bunday tiqilishlar tez-tez uchraydi. Chang, oziq-ovqat qoldiqlari suv tomchilari orqali teshikka kirib qoladi. Natijada suv chiqib ketolmaydi, sovitish kamerasining pastki qismiga oqib chiqadi. Oqib chiqqan suv sovutish sikli vaqtida muzlashi ham mumkin. Natijada tortma pastki qismga yopishib, siljimaydi, muzlatkichda esa yoqimsiz hid paydo bo‘ladi.
Nima qilish kerak?- Buning uchun purkagich, paxtacho‘p yoki ingichka sim kerak bo‘ladi.
- Sovutgichdan mahsulotlarni chiqarib olib, elektrdan uzing.
- Muz erigach, qutilarni ham olib tashlang.
- Suv yo‘lini paxtacho‘p yoki muzlatkich komplektatsiyasidagi maxsus vosita bilan tozalang.
- Kichikroq purkagichga suv quying. Purkagichni suv yo‘liga qo‘yib ketma-ket bosing. Xuddi shu tarzda bir necha marta suv quying, agar suv kondensat yig‘ish qismiga tushsa, demak, tiqilgan narsa olib tashlangan bo‘ladi.
- Muzlatkichdagi barcha mahsulotlarni olib tashlab, bir kecha yoki 12 soatga eritishga qoldiring.
- Ertalab purkagich va paxtacho‘p yordamida yana bir bor tozalashga urinib ko‘ring.
- Ingizchka sim yordamida drenajni tozalang. Hech narsa buzilmasligi, shlang va muzlatgichning boshqa yuzalariga zarar yetmasligi uchun juda ehtiyotkorlik bilan sekin harakat qiling.
2-sabab
Muzlatkich eshigi yaxshi yopilmagani tufayli ham kamerada muz paydo bo‘ladi, muzlatkichga iliq havo kirishi natijasida orqa devordagi muz eriydi va suv tortmalar ostida, polda to‘planadi.
Nima qilish kerak?
Muzlatkichning joylashgan o‘rnini ko‘zdan kechiring. Polning notekisligi tufayli qurilma to‘g‘ri o‘rnatilmagan bo‘lishi mumkin. Bu muammo muzlatkich oyoqlari to‘g‘rilanishi bilan hal bo‘ladi.
Shovqin bilan ishlasa
Ko‘pincha bu muammo muzlatkich javoniga mahsulotlarning noto‘g‘ri qo‘yilganidan kelib chiqadi. Ehtimol, muzlatkichingizda juda ko‘p oziq-ovqat borligi va ular to‘g‘ri joylashtirilmaganligi uchun shovqin yuzaga kelgandir. Shuningdek, muzlatkich birorta mebel, isitish quvurlariga tegib qolgan bo‘lib, bu narsa uning shovqinsiz ishlashiga xalaqit berayotgan bo‘lishi mumkin.
Agar yuqoridagi maslahatlar yordam bermasa, o‘zingiz ta’mirlashga urinmang. Nosozliklarni bartaraf qilish uchun usta chaqirganingiz ma’qul.
Izoh (0)