Prezident Shavkat Mirziyoyev 3-fevral kuni 2021-yil — “Yoshlarni qo‘llab-quvvatlash va aholi salomatligini mustahkamlash yili” Davlat dasturini tasdiqlash to‘g‘risidagi farmonni imzolagan edi. “Gazeta.uz”ning yozishicha, 2021-yilgi davlat dasturidan iqlim o‘zgarishi oqibatlarini yumshatish bo‘yicha O‘zbekistonning uzoq muddatli davlat siyosatini ishlab chiqish vazifasi ham o‘rin olgan.
Ma’lum qilinishicha, O‘zbekistonning 2030-yilgacha bo‘lgan iqlim o‘zgarishi oqibatlariga qarshi kurash strategiyasini tasdiqlash hamda iqlim o‘zgarishi oqibatlariga qarshi kurash bo‘yicha mintaqaviy strategiya loyihasini tayyorlash rejalashtirilmoqda.
Ushbu chora-tadbirlarni amalga oshirish uchun 2021-yilning 1-sentabriga qadar Prezident qarori loyihasi ishlab chiqiladi. Unga davlat budjetidan mablag‘lar ajratilishi belgilangan.
Hujjat loyihasi “O‘zgidromet”, Davlat ekologiya qo‘mitasi, mutasaddi vazirliklar tomonidan Oliy Majlis palatalari kelishuvi asosida tayyorlanadi.
Izoh (0)