2021-yilgi davlat dasturiga ko‘ra, O‘zbekistonda 31 ta yangi maktab qurish hamda 320 ta maktabni ta’mirlash belgilangan. Yangi maktablarni qurish, mavjudlarini ta’mirlashga jami 2 trillion 50 milliard so‘m ajratish reja qilingan, deb xabar beradi “Gazeta.uz”.
Ta’kidlanishicha, bundan tashqari, Andijon, Nurafshon, Guliston, Navoiy va Termiz shaharlarida Prezident maktablari qurilishiga 200 milliard so‘m yo‘naltiriladi. Shuningdek, 16 ta OTM binolari yangidan quriladi va 19 tasi ta’mirlanadi. Ushbu maqsadlarga 700 milliard so‘m ajratilmoqda. Yana 900 milliard so‘m 22 ta maktabgacha ta’lim tashkiloti binosini yangidan qurish va 203 tasini ta’mirlashga sarflanadi.
Shu bilan birga, 24 ta sog‘liqni saqlash obyekti yangidan quriladi, mavjud 99 tasi esa ta’mirlanadi. Bu jami 1,4 trillion so‘m evaziga amalga oshiriladi. 23 ta yangi sport obyekti quriladi, 34 tasi esa ta’mirlanadi. Bunga sarflanadigan mablag‘ 400 milliard so‘m etib belgilangan.
Mazkur ishlar ijrosi yil davomida tegishli vazirliklar tomonidan ta’minlanishi qayd etilgan.
Avvalroq O‘zbekistondagi 300 dan ortiq maktab qo‘lbola pechlar yordamida isitilayotgani, O‘zbekistonda aholi xonadonlari is gazini erta aniqlaydigan gazoanalizatorlar bilan jihozlanishi hamda O‘zbekiston gaz-zapravkalari sutkasiga yana 24 soatdan ishlay boshlagani haqida xabar berilgandi.
Izoh (0)