Президент Шавкат Мирзиёев 3 февраль куни 2021 йил — «Ёшларни қўллаб-қувватлаш ва аҳоли саломатлигини мустаҳкамлаш йили» Давлат дастурини тасдиқлаш тўғрисидаги фармонни имзолаган эди. «Gazeta.uz»нинг ёзишича, 2021 йилги давлат дастуридан иқлим ўзгариши оқибатларини юмшатиш бўйича Ўзбекистоннинг узоқ муддатли давлат сиёсатини ишлаб чиқиш вазифаси ҳам ўрин олган.
Маълум қилинишича, Ўзбекистоннинг 2030 йилгача бўлган иқлим ўзгариши оқибатларига қарши кураш стратегиясини тасдиқлаш ҳамда иқлим ўзгариши оқибатларига қарши кураш бўйича минтақавий стратегия лойиҳасини тайёрлаш режалаштирилмоқда.
Ушбу чора-тадбирларни амалга ошириш учун 2021 йилнинг 1 сентябрига қадар Президент қарори лойиҳаси ишлаб чиқилади. Унга давлат бюджетидан маблағлар ажратилиши белгиланган.
Ҳужжат лойиҳаси «Ўзгидромет», Давлат экология қўмитаси, мутасадди вазирликлар томонидан Олий Мажлис палаталари келишуви асосида тайёрланади.
Изоҳ (0)