Футбол бўйича Ўзбекистон терма жамоаси ЖЧ—2022 ва Осиё Кубоги—2023 қўшма саралаши доирасидаги ўйинларга тайёргарлик кўриш мақсадида БААда йиғинида иштирок этмоқда.
Вадим Абрамов қўл остидаги жамоа 8—18 февраль кунлари Дубайда ўқув-машғулот йиғини ўтказади. Унда терма жамоа учта назорат учрашув ўтказади.
Ўзбекистон терма жамоаси Иордания термаси, шунингдек, «Зенит» ва «Шахтёр Солигорск» клублари билан ўйнайди.
«Зенит»га қарши баҳс 12 февраль куни Тошкент вақти билан 11:30 да бошланади. Кейинги учрашув 15 ва 17 февраль кунлари бўлиб ўтади.
Абрамов йиғинга 25 нафар футболчини жалб қилганди. Ундан асосан маҳаллий клубларда тўп сурувчи ўйинчилар ўрин олди. Аввалроқ йиғинга жалб этилган Одил Аҳмедов «Тяньцзинь Тэда» чақирувидан кейин Хитойга учиб кетган. Унинг ўрнини Темурхўжа Абдухолиқов эгаллади.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)