Texaslik advokat Rod Ponton tasodifan Zoom’da mol-mulkni musodara qilish bo‘yicha o‘tkazilayotgan videokonferensiyaga mushuk niqobida qo‘shilib qoldi. Rolik sudning YouTube’dagi kanalida e’lon qilingan.
Sudya Roy Fergyusson Pontonga filtr yoqilib qolganini aytib, uni o‘chirib qo‘yishini so‘ragan. “Men onlaynman va mushuk emasman”, — deydi Ponton. Sudya uni ko‘rib turganini aytib, filtrni qanday o‘chirishni tushuntirgan. “Mushuk meni tushundi. U ham xuddi men kabi sodir bo‘lgan voqeadan xafa bo‘ldi”, — deydi advokat.
“Har doim eng zo‘r advokat sifatida mashhur bo‘lishni xohlardim. Endi esa sud majlisida mushuk ko‘rinishida paydo bo‘lgan inson sifatida tanildim”, — deya tan oladi Ponton.
https://twitter.com/JudgeFergusonTX/status/1359202090824966151
Sudya Fergyussonning so‘zlariga ko‘ra, Pontonning kompyuteridagi filtrni uning o‘g‘li yoqib qo‘ygan, advokat esa uni o‘chirishni unutgan. Shuningdek, uning ta’kidlashicha, bu kabi qiziqarli onlar — “og‘ir damlarda ham adolat tizimining ishlashini davom ettirishga uringan yuristlarning ‘yordamchi mahsuloti’ hisoblanadi”.
Izoh (0)