Farg‘ona viloyati Oltiariq tumanidagi “Bo‘rvonliq” MFY hududidan o‘tgan avtomobil yo‘lida Damas yonib ketdi. Bu haqda IIV YHXBB axborot xizmati xabar berdi.
Ma’lum qilinishicha, yong‘in 9-fevral, seshanba kuni soat 10:45 larda sodir bo‘lgan. “1967-yilda tug‘ilgan A.G‘.ga tegishli bo‘lgan Damas yonishi natijasida tan jarohati olganlar yo‘q”, — deyiladi xabarda.
Avtomobil yong‘indan to‘liq zararlangan.
Ta’kidlanishicha, mazkur hodisa bo‘yicha Oltiariq tumani IIB YHXB va FVB tomonidan surishtiruv ishlari olib borilmoqda va yong‘in sabablariga aniqlik kiritilyapti.
Avvalroq Namangandagi gaz-zapravkada navbatda turgan Damas yonib ketgani to‘g‘risida xabar berilgandi.
Izoh (0)