Yevropa Chempionlar Ligasining 1/8 finali ilk bahsidan o‘rin olgan “Borussiya M” — “Manchester Siti” uchrashuvi Vengriyaga ko‘chirildi. Bu haqda UEFA matbuot xizmati ma’lum qildi.
Germaniya koronavirusning yangi shtammi tarqalishini oldini olish maqsadida 17-fevralga qadar Buyuk Britaniya bilan aviaqatnovlarni to‘xtatgani bunga sabab qilib ko‘rsatilgan.
Uchrashuv 24-fevral kuni bo‘lib o‘tadi, javob bahsi esa 16-mart kuniga rejalashtirilgan.
Yevropa Ligasi 1/16 finali ilk o‘yini doirasidagi “Molde” — “Hoffenhaym” uchrashuvi esa Ispaniyaga ko‘chirildi. Ta’kidlanishicha, Norvegiya hukumati koronavirus pandemiyasi sabab nemis klubini mamlakatga kirishiga ruxsat bermagan. O‘yin 18-fevral kuni bo‘lib o‘tadi.
Avvalroq xuddi shu sabablarga ko‘ra “Leypsig” — “Liverpul” uchrashuvi ham Budapeshtga ko‘chirilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)