Futbol bo‘yicha klublar o‘rtasidagi Jahon chempionatining ikkinchi yarim finali 8-fevral, dushanba kuni “Al-Ahli” va “Bavariya” klublari o‘rtasida bo‘lib o‘tdi.
Uchrashuvning 17-daqiqasida Robert Levandovski hisobni ochdi. 85-daqiqada polshalik futbolchi dubl qayd etib, “Bavariya”ning g‘alabasini mustahkamladi.
Musobaqa finalida nemis klubini Meksikaning “Tigres” jamoasi kutib turibdi. Final uchrashuvi 11-fevral kuni bo‘lib o‘tadi. “Tigres”ga mag‘lub bo‘lgan “Palmeyras” esa “Al-Ahli” bilan uchinchi o‘rin uchun kurash olib boradi.
Klublar o‘rtasidagi JCh—2020
Yarim final bahsi
8-fevral, dushanba
“Al-Ahli” (Misr) — “Bavariya” (Germaniya) 0:2
Gollar: 0:1 – 17 Levandovski, 0:2 – 85 Levandovski.“Al-Ahli”: ash-Shenavi, Ashraf, Maalul (al-Hanafi, 28), Banun, Magdi Kafsha (Dieng, 70), Kaxraba (Bualya, 69), ash-Shahaat (Muhsin, 69), Hany, Mustafo (Sherif, 83), as-Soulia, Fathi.
“Bavariya”: Noyer, Pavar, Boateng (Zyule, 77), Alaba, Devis, Gnabri (Sane, 62), Kimmix, Koman (Musiala, 78), Roka (Tolisso, 69), Myuller (Shupo-Moting, 62), Levandovski.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)