Shavkat Mirziyoyev 9-fevral kuni Prezident maslahatchisining yangi o‘rinbosarini tayinlash bo‘yicha farmonni imzoladi. Bu haqda Prezident matbuot xizmati xabar berdi.
Ushbu farmon bilan yuridik fanlar doktori Abdumannop To‘laganov Prezidentning davlat xizmati va hokimiyat vakillik organlari bilan hamkorlik qilish masalalari bo‘yicha maslahatchisi o‘rinbosari lavozimiga tayinlandi.
Mazkur lavozimda u O‘zbekiston Prezidenti huzuridagi Davlat boshqaruv akademiyasining rektori sifatida qolgan Adham Bekmurodov o‘rnini egallagan.
Ma’lumot uchun, Prezidentning davlat xizmati va hokimiyat vakillik organlari bilan hamkorlik qilish masalalari bo‘yicha maslahatchisi lavozimi 2020-yilning mayidan — Sherzod Kudbiyev Davlat soliq qo‘mitasi raisi etib tayinlanganidan buyon vakant bo‘lib qolmoqda.
Izoh (0)