Farg‘ona viloyatining Oltiariq tumanida otasining uyidan 1,9 ming dollar va 3 million so‘m o‘g‘irlagan o‘g‘ilga nisbatan jinoyat ishi qo‘zg‘atildi. Bu haqda viloyat IIB matbuot xizmati xabar berdi.
Ma’lum bo‘lishicha, 15-yanvar kuni Oltiariq tumani “Farovon” mahallasi hududida yashovchi T.B. IIBga murojaat qilib, unda 2020-yilning 25-dekabr kunidan 15-yanvar kunigacha bo‘lgan vaqt oralig‘ida noma’lum shaxs yashash xonadoniga g‘ayriqonuniy ravishda kirib, yotoqxonasidagi sandiq ichida bo‘lgan 1 900 dollari va 3 million so‘m pullarini yashirin ravishda o‘g‘irlaganligini ma’lum qilgan.
Holat yuzasidan Oltiariq tumani IIB huzuridagi tergov bo‘limi tomonidan Jinoyat kodeksining 169-moddasi 2-qismi “g” bandlari (o‘g‘rilik) bilan jinoyat ishi qo‘zg‘atilgan.
Olib borilgan tezkor-qidiruv tadbirlari davomida mazkur jinoyatni jabrlanuvchi T.B.ning birga yashovchi o‘g‘li A.T. sodir etganligi aniqlanib, jinoyat ishi Jinoyat kodeksining 169-moddasi 2-qismi “g” bandidan Jinoyat kodeksining 169-moddasi 1-qismiga qayta malakalangan.
Ayni paytda tergov harakatlari olib borilmoqda.
Ma’lumot uchun, Jinoyat kodeksining 169-moddasi (o‘g‘rilik) 1-qismida ko‘rsatilgan jinoyatni sodir etgan shaxs uch yilgacha ozodlikdan mahrum qilish bilan jazolanishi mumkin.
Mavzuga doir:
Izoh (0)