Toshkentda buvisining tilla taqinchoqlari va pullarini o‘g‘irlagan 21 yoshli qizga jinoyat ishi qo‘zg‘atildi

Toshkentning Yashnobod tumanida 64 yoshli buvisining tilla taqinchoqlari va pullarini o‘g‘irlagan 21 yoshli qizga jinoyat ishi qo‘zg‘atildi. Bu haqda Toshkent shahar IIBB matbuot xizmati xabar berdi.

19-oktabr kuni Yashnobod tumani IIO FMBga 64 yoshli ayol S.T. murojaat qilib, uning xonasidan pul va tilla taqinchoqlar yo‘qolganligi haqida xabar bergan.

Tergov davomida aniqlanishicha, ayolning 21 yoshli nabirasi A.A. uning xonasiga kirib, 10 million so‘m pul va 4 million so‘mlik taqinchoqlarni o‘g‘irlab ketgan.

Holat yuzasidan Jinoyat kodeksining 169-moddasi (o‘g‘rilik) bo‘yicha jinoiy ish qo‘zg‘atilgan. Tergov ishlari davom etmoqda.