Shimoliy karolinalik Jodi Flemming yovvoyi ayiq uchun musiqiy kecha uyushtirdi, deb xabar bermoqda Meduza.
Flemming dijeylik qilishni yaxshi ko‘radi, shu sababli uyida ba’zan musiqiy kecha tashkillashtirib, tinglovchilarini musiqalari bilan bahramand qilib turadi. Kutilmaganda uning shunday ziyofatlaridan biriga ayiq “tashrif buyurdi”. Videodan ko‘rish mumkinki, hayvon orqa eshikdan yashirincha kirishga harakat qilgan. Jonivorga musiqa yoqqanga o‘xshaydi: u hatto dijeyni yaxshiroq tomosha qilish uchun eshikka suyanib, orqa oyoqlarida tik turib olgan.
Bir daqiqaga yaqin Flemming chaqirilmagan mehmonni payqamagan. U qo‘shnisining ayiqni qo‘rqitish uchun baqirgan ovozini eshitgandagina orqasiga o‘girilgan. Biroq hayvon darhol qochib qolgan. Dijeyning aytishicha, bundan u xafa bo‘lgan — ayiq yana biroz turganida yaxshi bo‘lardi.
Flemmingning so‘zlariga ko‘ra, u ayiqdan qo‘rqmagan. Birinchidan, u tog‘dagi kichik shaharchada yashaydi, bu yerda ayiqlar tez-tez uchrab turadi. Yovvoyi hayvonlar unikiga va qo‘shnilarinikiga doimiy ravishda kelib turadi. Ikkinchidan, Flemming ilgari bog‘da nazoratchi bo‘lib ishlagan va ish paytida yovvoyi hayvonlar bilan bir necha bor yuzma-yuz kelishiga to‘g‘ri kelgan.
Izoh (0)